2006-cı ildə İmişli rayon  Heydər Əliyev Muzeyi tikilib istifadəyə verilmişdir. 03 mart 2006-cı il tarixində muzeyin açılışında Azərbaycan Respublikasının Prezidenti cənab İlham Əliyev iştirak etmişdir.   Şəhərin mərkəzində Ümumilli Liderimiz Heydər Əliyev adına Mədəniyyət və İstirahət parkı salınması ilə əlaqədar olaraq 2012-ci ildə parkın ərazisində müasir üslubda ikimərtəbəli Heydər Əliyev Mərkəzi tikilib istifadəyə verilmişdir. 28 oktyabr 2012-ci ildə Mərkəzin açılışında  Azərbaycan Respublikasının Prezidenti cənab İlham Əliyev iştirak etmişdir. Mərkəzin ümumi sahəsi 2000 kv metrdir. Həyətyanı sahəsi 1.5 hektardır.

      Mərkəzdə kompüter, təsviri sənət kursları, kitabxana və elektron kitabxana , 3D formatda kino zalı fəaliyyət göstərir. Mərkəzin 350 yerlik iclas və konfrans zalı vardır.