Şirvan şəhər Tarix- Diyarşünaslıq Muzeyində ümummilli lider Heydər Əliyevin xatirəsini anım günü ərəfəsində “ Heydər Əliyev və Azərbaycan mədəniyyəti”  adlı tarix dərsi təşkil olunmuşdur. Azərbaycan Respublikasının dövlət himni səsləndikdən sonra dərsin aparıcısı Xatirə Əliyeva ümummili liderin otuz dörd il müddətində Azərbaycan mədəniyyətinin inkişafı, onun dünyaya tanıtdırılması,  mədəniyyətimizin görkəmli nümayəndələrinə qayğısı və bu sahədə göstərdiyi digər diqqətəlayiq xidmətləri haqqında ətraflı məlumat vermişdir. Mövzu ilə bağlı sual - cavabda fəal iştirak edən şagirdlər ulu öndərin həyat və fəaliyyəti haqqında kifayət qədər dolğun məlumata malik olduqlarını nümayiş etdirmişlər. Tarix dərsinin dinləyiciləri  Heydər əliyev haqqında videofilmə də baxmışlar. Tarix dərsində Şirvan şəhər 14 saylı tam orta məktəbin yuxarı sinif şagirdləri iştirak etmişlər.