Azərbaycan Respublikası Mədəniyyət Nazirliyinin  12 oktyabr 2018-ci il tarixli 1140/06 nömrəli  məktubuna əsasən,  Şirvan şəhər Tarix-Diyarşünaslıq  muzeyinin təşkilatcılığı ilə 14 noyabr  2018-ci il  tarixdə  M.B.İsrailov  adına 18 nömrəli  təbiət,humanitar təmayüllü məktəb-liseydə  “Azərbaycanda  Uşaq  Hüquqları” mövzusunda  konfrans  keçirilmişdir. Tədbiri Tarix-diyarşünaslıq muzeyinin direktoru Gülşən Vəliyeva açdı.O,qeyd etdi ki, hər il olduğu kimi  bu ildə ənənəvi  olaraq Azərbaycan Respublikasının  İnsan Hüquqları  üzrə Müvəkkili (Ombudsman) Elmira Suleymanovanın təşəbbüsü ilə 20 oktyabr -20 noyabr tarixlərində Uşaq  hüquqları  aylığı elan  olunmuşdur. Bununla əlaqədar Uşaq hüquqları aylığı çərçivəsində  respublikanın müəssisələrində müvaiq tədbirlər keçirilir.  Mövzu  ətrafında şəhər Polis şöbəsinin Yetkinlik Yaşına Çatmayanlarla Profilaktik İşin  Təşkili qrupunun  baş inspektoru,polis mayoru Vüqar Qurbanov,şəhər İcra Hakimiyyətinin böyük məsləhətçisi,Yetkinlik Yaşına Çatmayanların Işləri və Hüquqlarının Müdafiəsi üzrə Komissiyanın  məsul katibi Rafael Nəsirov, Gənclər üçün Təhsil Mərkəzinin Aran Regional ofisinin rəhbəri,YUNİSEF-in regional koordinatoru  Yusif  Poladov və 18№-li məktəb-liseyin direktoru   İsmayil  Usubov məruzə etmişdilər.