Şirvan şəhər Mədəniyyət Mərkəzinin “Qarabağ” klubu tərəfindən açıq havada rəsm əsərlərindən ibarət sərgi təşkil olunmuşdur. “Həyata rəngli baxışlarla baxaq” adlı sərgidə Şirvan şəhərində yaşayan və təsviri incəsənətlə məşğul olan istedadlı uşaq, yeniyetmə və gənclərin müxtəlif mövzularda çəkdikləri rəsmlər nümayiş olunmuşdur. “Qarabağ” klubunun mədəni təşkilatçısı Leyla Ələkbərova sərgidə rəsmləri nümayiş olunan müəlliflər haqqında tamaşaçılara məlumat vermiş və onları istedadlı uşaq, yeniyetmə və gənclərin rənglər dünyası ilə tanış etmişdir.