Sovet İttifaqı Qəhrəmanı Mehdi Hüseynzadənin anadan olmasının 100 illiyi münasibətilə Şirvan şəhər Tarix-Diyarşünaslıq Muzeyində tədbir keçirilmişdir. Tədbir Azərbaycan Respublikasının dövlət  himninin səslənməsi ilə başlamışdır. Muzeyin direktoru Gülşən Vəliyeva “Əfsanəvi qəhrəman Mehdi Hüseynzadə” adlı məruzə ilə çıxış etmişdir. Tədbir iştirakçıları “Yaddaş” kinostudiyasının Mehdi Hzeynzadə haqqında çəkdiyi videofilmə baxmışlar. 21 nömrəli tam orta məktəbin şagirdləri Rəşvin Şirəlizadə və Nurcan Cabbarlının iştirakı ilə Mehdi Hüseynzadənin rəssamlığını, şairliyini və vətənpərvərliyini nümayiş etdirən ədəbi-bədii kompozisiya təqdim olunmuşdur. Feyzi Feyzili və Nicat Ələkbərov gitaranın müşayiəti ilə vətənpərvərlik mövzusunda mahnılar ifa etmişlər.