Heydər Əliyev Fondu və Mədəniyyət Nazirliyinin təşkilatçılığı ilə keçirilən Üzeyir Hacıbəyliyə həsr olunmuş X Beynəlxalq Musiqi Festivalı çərçivəsində Şirvan şəhər Uşaq Musiqi Məktəbi tərəfindən Şirvan şəhər Heydər Əliyev Mərkəzində dahi bəstəkarın əsərlərindən ibarət konsert təşkil edilmişdir. Tədbiri giriş sözü ilə Heydər Əliyev Mərkəzinin direktoru Aynur Fərzəliyeva açaraq Üzeyir Hacıbəyliyə həsr olunmuş X Beynəlxalq Musiqi festivalı haqqında məlumat vermişdir. Azərbaycan Respublikasının Üzeyir Hacıbəyli tərəfindən yazılmış dövlət himni səslənmişdir. Uşaq Musiqi Məktəbinin nəzəriyyə müəllimi Aygün Əliyeva Üzeyir Hacıbəylinin yaradıcılığı haqqında məruzə ilə çıxış etmişdir. Daha sonra tamaşaçılara Üzeyir Hacıbəylinin əsərlərindən ibarət konsert proqramı təqdim olunmuşdur. Konsertdə bəsətkarın “Arazbarı”, “Arşın mal alan” operettasından musiqi fraqmentləri  və Əsgərin ariyası, “Döyüşçülər” marşı, “Cəngi”, “Yaxşı yol” pyesləri, “Koroğlu” operasından Koroğlunun ariyası, “Özbək rəqsi” və s. kimi əsərləri səslənmişdir.

         Bəstəkarın əsərlərini məktəbin müəllimlərindən Xədicə Hacıyeva, Şəfaqət Hacıyeva, Güllü Əsgərova, Gülü Bayramova, Günel Məmmədova, şagirdlərdən  Səidə Hüseynova, Şahin Qədiməliyev, Günel Şərbətova, Fərid İsgəndərov, Teymur Süleymanov, Kənan Bağırov, Rəvan Hüseynov və skripkaçılar ansamblı ifa etmişdir.