Şirvan şəhər Mədəniyyət Mərkəzi tərəfindən əhalinin və  istirahət məqsədilə    Şirvan şəhərinə gəlmiş qonaqların asudə vaxtlarını səmərəli keçirmələrini təmin etmək məqsədilə Kür çayı sahilində yerləşən, ölkə əhəmiyyətli tarix və mədəniyyət abidələri siyahısına daxil edilmiş bağda istirahət konserti təşkil olunmuşdur. Mədəniyyət Mərkəzinin “ Səma” inisturmental ansamblının müşayiəti ilə müğənnilər Nəminə Məmmədova, Vüqar Məmmədov və Səxavət Şıxəliyev xalq və bəstəkar mahnılarını ifa etmişlər. Müğənnilərin, eləcə də, Mədəniyyət Mərkəzində fəaliyyət göstərən rəqs qrupunun və musiqi kursu dinləyicilərinin çıxışları da tamaşaçılar tərəfindən alqışlarla qarşılanmışdır.