Azərbaycan Respublikasının Prezidenti cənab İlham Əliyevin imzaladiğı   “Mikayıl Müşfiqin 110 illiyinin qeyd edilməsi haqqında” 17 may 2018-ci il tarixli, 108 nömrəli Sərəncamının və Azərbaycan Respublikasının Mədəniyyət naziri cənab Əbülfəs Qarayevin “ Görkəmli Azərbaycan şairi Mikayıl Müşfiqin 110 illik yubileyinin keçirilməsi haqqında” 12 iyul 2018-ci il tarixli, 51 nömrəli əmrinin icrası ilə əlaqədar Şirvan Dövlət Rəsm Qalereyası tərəfindən şəhər mərkəzi kitabxanasında sərgi təşkil olunmuşdur. Nakam şairin yubileyinə həsr olunmuş sərgidə Şirvan sakinlərinin hazirladıqları dekorativ-tətbiqi sənət nümunələri nümayiş etdirilmişdir. Tamaşaçılar rəsmlərlə yanaşı Mikayıl Müşfiqin kitabxananın fondunda olan kitabları ilə də tanış olmuşlar.