Hacıqabul rayon Heydər Əliyev Mərkəzi uşaqların və gənclərin yay fəslində asudə vaxtlarının səmərəli keçməsi barədə bir sıra maraqlı layihə, kurslar və dərnəklər barədə elanlar vermişdi.

02.07.2018-ci il tarixindən artıq Heydər Əliyev Mərkəzində “Yay məktəbi” fəaliyyət göstərməyə başladı. “Yay məktəbində”  5 yaşından 10 yaşınadək uşaqlar iştirak edir. Mərkəzin əməkdaşları tərəfindən uşaqlar üçün müxtəlif proqramlar hazılanıb həyata keçirilir. Həftənin dörd günü, hər gün 2 saat olmaqla ingilis dili, rus dili, nağıl saatı, imla saatı, cizgi filmləri, əyləncəli və intelektual oyunlar, texnalogiya, şaxmat, çay süfrəsi, piknik, ekskursiyalar və sair proqramlarla uşaqların asudə vaxtları səmərəli təmin olunur. Sevindirici haldır ki, uşaqların sayı günü-gündən çoxalır və uşaqlar “Yay məktəbinə” sevinə-sevinə gəlib, gedəndə isə getmək istəmirlər. Mərkəzin  və mərkəzdə fəaliyyət göstərən 2 saylı kitabxana filialının əməkdaşları hər günün uşaqlar üçün daha maraqlı və daha əyləncəli keçməsi üçün birlikdə proqramlar üzərində işləyirlər.