Şirvan şəhər Uşaq Musiqi Məktəbində aprel döyüşlərinin ikinci ildönümünə həsr olunmuş hərbi vətənpərvərlik mövzusunda tədbir keçirilmişdir. Tədbiri giriş sözü ilə məktəbin tədris işləri üzrə direktor müavini Əbülfət İsmayılov açmışdır. Azərbaycan Respublikasının dövlət himni səslənmiş, dövlət bayrağı təntənəli şəkildə tədbirin keçirildiyi salona gətirilmişdir. Məktəbin şagirdləri Gülnarə Qarayeva və Nurcan Ağayeva tamaşaçıları aprel döyüşlərinin xronologiyası ilə tanış etmiş onlara, Azərbaycan ordusunun həmin döyüşlərdə qazandığı nailiyyətlər barədə məlumat vermişlər. Bədii qiraətçilər Bənövşə Nuhbalayeva və Kamran İsmayılov hərbi vətənpərvərlik mövzusunda şeirlər söyləmişlər. Məhəmməd Səlimov, İlkin Əliyev, Aqil Kərimov, Bayram Babayev, Əlikram Ağaməmmədov və Eltac Quluzadənin iştirakı ilə aprel döyüşləri mövzusunda ədəbi-bədii kompozisiya nümayiş etdirilmişdir.

         Tədbirin sonunda məktəbin direktoru Mübariz Dadaşov çıxış edərək aprel döyüşlərinin işğalçı düşmənə xəbərdarlıq olduğunu, ali baş komandan İlham Əliyevin rəhbərliyi altında Azərbaycan ordusunun torpaqlarımızı azad edəcəyinə əminliyini bildirmişdir.

         Tədbirdə Milli Qəhrəman, aprel döyüşlərində şəhid olmuş Murad Mirzəyevin ailə üzvləri də iştirak etmişlər.