Seminarda Xocalı soyqırımı qurbanlarının xatirəsi bir dəqiqəlik sükutla yad edilib. Sabirabad Regional Mədəniyyət və Turizm İdarəsinin məsləhətçisi T.Əzimov çıxış edərək Xocalı faciəsinin 26-cı ildönümü ilə əlaqədar məruzə edib. Sabirabad Regonal MKS-nin direktoru E.Urufov və Sabirabad rayon Mədəniyyət Mərkəzinin direktoru M.Ağazadə çıxışlarında Azərbaycan xalqının qan yaddaşı olan Xocalı faciəsi,ermənilərin zaman-zaman xalqımıza qarşı törətdikləri vəhşiliklər və Xocalı soyqırımı ilə bağlı həqiqətlərin dünya ictimaiyyətinin nəzərinə çatdırılması üçün görülməsi vacib olan işlər barədə məlumat veriblər.                                                        Mərkəz və filiallarda  Xocalı faciəsinin 26-cı ildönümü ilə əlaqədar keçirilən tədbirlər barədə söhbət açılıb. Sonra Xocalı faciəsi qurbanlarının əziz xatirəsinə həsr olunmuş “Yaddaş”filmlər kinostudiyasının hazırladığı “Azərbaycanın Milli Qəhrəmanları”adlı film nümayiş etdirilmişdir.