Sabirabad rayonunda 31 Mart – Azərbaycanlıların Soyqırımı Günü ilə əlaqədar Soyqırım abidəsi, eyni zamanda Azərbaycanın Milli Qəhrəmanı, Aprel döyüşləri şəhidi Murad Mirzəyevin doğum günü münasibətilə rayonun Şəhidlər Xiyabanında onun xatirəsinə ucaldılmış abidə ziyarət olunub.

Rayon icra hakimiyyəti rəhbərliyinin, hüquq-mühafizə orqanlarının, idarə, müəssisə və təşkilatların əməkdaşlarının, şəhid ailələrinin, mədəniyyət işçilərinin və ictimaiyyət nümayəndələrinin iştirakı ilə əvvəlcə soyqırımı qurbanlarının, daha sonra isə Milli qəhrəmanın əziz xatirəsi ehtiramla yad olunub, abidələr önünə gül dəstələri düzülüb.