Sabirabadda film nümayişlərinə böyük maraq – bir ayda 700 tamaşaçı

 

Mədəniyyət sahəsində yeniliklərin tətbiqi və regionlarda kino mədəniyyətinin inkişafı məqsədilə Sabirabad rayon Mədəniyyət Mərkəzində ardıcıl olaraq film nümayişləri təşkil olunub. Bir ay ərzində keçirilən nümayişlər tamaşaçılar tərəfindən böyük maraqla qarşılanıb.

Bu müddət ərzində Mədəniyyət Mərkəzində ümumilikdə 7 film nümayişi həyata keçirilib və tədbirlərə 700 nəfər tamaşaçı qatılıb.

 

Məlum olduğu kimi kino seanslarının təşkilində müasir yanaşmalardan istifadə olunaraq biletlərin satışı ilk dəfə olaraq onlayn platforma – iticket.az vasitəsilə həyata keçirilib.

 

Nümayişlərin əsas məqsədi region əhalisinin kino sənətinə marağını artırmaq, gənclərin asudə vaxtının səmərəli təşkili və müasir kino nümunələrinə çıxış imkanlarını genişləndirmək olub.

 

Sabirabad rayon Mədəniyyət Mərkəzi bundan sonra da kino nümayişlərinin davamlı şəkildə keçirilməsini planlaşdırır.