Şirvan şəhər Tarix-Diyarşünaslıq Muzeyində “Azərbaycan Xalq Cümhuriyyətinin dövlət xadimləri. Əlimərdan bəy Topçübaşov və Fətəli xan Xoyski” mövzusunda mühazirə oxunması təşkil edilmişdir. Tədbir iştirakçıları əvvəlcə “AXC-100” adlı sərgi ilə tanış olmuşlar. Muzeyin bələdçisi Sevinc Namini sərgidə nümayiş etdirilən eksponatlar haqqında məlumat vermişdir. Sonra Arzu Əliyevanın layihə rəhbəri olduğu “Əbədi ezamiyyət” sənədli filmindən fraqmentlər nümayiş olunmuşdur. Daha sonra muzeyin əməkdaşı Xatirə Əliyevanın  mühazirəsi dinlənilmişdir.