Mil-Muğan Regional Mədəniyyət İdarəsinin tabeliyində fəaliyyət göstərən mədəniyyət müəssisələrinin təşkilatçılığı ilə korrupsiyaya qarşı mübarizə mövzusunda tədbir keçirilib. Tədbirda Beyləqan rayon İcra Hakimiyyətnin, YAP Beyləqan rayon təşkilatının, “Mil Sosial və İqtisadi Sahələrdə Maarifləndirmə” İctimai Birliyinin, eləcə də mədəniyyət müəssisələrinin əməkdaşları və ictimaiyyət nümayəndələri iştirak edib.

Dətbir Dövlət Himninin səsləndirilməsi, qəhrəman şəhidlərin əziz xatirəsinin ehtiramla yad edilməsi və korrupsiya mövzusuna həsr olunmuş videoçarxın nümayiş olunması ilə başlayıb.

Daha sonra çıxış edənlər korrupsiya anlayışı və onun formaları, korrupsiya ilə əlaqədar hüquqpozmaların subyektləri, korrupsiyaya qarşı mübarizəni həyata keçirən orqanlar, korrupsiyaya qarşı mübarizənin davamlı olması, onun qarşısının alınması ilə bağlı müasir çağırışlara uyğun effektiv mexanizmlərin tətbiq edilməsinin xüsusi əhəmiyyəti, korrupsiyanın ictimai və iqtisadi həyata neqativ təsirləri, korrupsiyaya şərait yaradan amillər barədə tədbir iştirakçılarına ətraflı məlumat verib və bildirilib ki, korrupsiya ilə mübarizə tək inzibati metodlarla deyil, həmdə vətəndaş cəmiyyəti institutlarını cəlb etməklə həyata keçirilməlidir.