11.03.2024
Yazıçı-şairə Nisə Bəyimin doğum gününə həsr olunmuş müsabiqənin yekun tədbiri “Hophopnamə” Kitab Mərkəzində təşkil olunub.
Tədbirdə Mil-Muğan Regional Mədəniyyət İdarəsinin rəisi Faiq Xudanlı, mədəniyyət işçiləri, Sabirabad rayon ictimaiyyətinin nümayəndələri, ziyalılar, gənclər və məktəblilər iştirak ediblər.
Tədbirdə çıxış edənlər Nisə Bəyim yaradıcılığının müxtəlif yönlərindən bəhs ediblər, onun özünəməxsus poeziya aləmindən söhbət açıblar, yazıçı-şairə ilə bağlı xatrilərini iştirakçılarla bölüşüblər. Eyni zamanda regionda yaradıcı düşüncəyə malik yeniyetmə və gənclərin potensiallarının inkişaf etməsində belə müsabiqələrin təşkilinin vacib əhəmiyyətini vurğulayıblar.
Daha sonra hekayə müsabiqəsinin qalibləri elan olunub və onlar sertifikat və müxtəlif hədiyyələrlə təltif olunublar.
Müsabiqə iştirakçıları tədbirin təşkilindən dolayı minnətdarlıqlarını bildiriblər.
Sonda xatirə şəkili çəkilib.