Şirvan şəhər Uşaq Musiqi Məktəbində 20 Yanvar faciəsinin iyirmi səkkizinci ildönümü ilə əlaqədar tədbir təşkil edilmişdir. 20 Yanvar şəhidlərinin xatirəsi bir dəqiqəlik sükutla yad olunmuşdur. Məktəbin direktoru Mübariz Dadaşov 20 Yanvar faciəsi haqqında məruzə ilə çıxış etmişdir. Məktəbin müəllimləri Səadət Sarıyeva və Heyran Mirzəyevanın ssenarisi əsasında hazırlanmış 20 Yanvar şəhidləri İlham və Fərizənin əbədi məhəbbətindən bəhs edən ədəbi-bədii kompozisiya nümayiş etdirilmişdir.
