Bərəkətli Muğan düzündə, ərazisi Araz çayının sağ və sol sahillərində yerləşən, Azərbaycan Respublikasının inzibati rayonlarından biri olan Saatlı 25 may 1943-cü ildən rayon statusu almışdır. İyirmi il müstəqil inzibati ərazi kimi fəaliyyət göstərdikdən sonra 1963-cü ildə ləğv edilərək qonşu Sabirabad rayonunun tərkibinə qatılmışdır. 1965-ci ildən yenidən müstəqil rayon kimi fəaliyyətini davam etdirir.
Son statistik məlumatlara görə, rayonun sahəsi 1,18 kv km, əhalisi 97916 nəfərdir. Əhalinin orta sıxlığı 1 kva.km-ə 76 nəfər təşkil edir. Ərazisi okean səviyyəsindən 28 m aşağı olan rayonda 1 şəhər, 43 kənd yaşayış məntəqəsi vardır ki, bunlar da 36 inzibati ərazi vahidliyində (dairəsində) birləşmişdir. Mərkəzi Saatlı şəhəridir.
Yayı quraq keçən mülayim-isti, yarımsəhra və quru çöl iqlimi var.
Araz çayının bol suyu bu ərazidə taxılçılıq, pambıqçılıq, bostançılıq, meyvəçilik və heyvandarlığın inkişafı üçün əlverişli şərait yaratmışdır.