24.06.2026
İyunun 24-də Mil-Muğan Regional Mədəniyyət İdarəsinin tabeliyində fəaliyyət göstərən Beyləqan rayonu üzrə mədəniyyət müəssisələrinin, Mil-Muğan Regional Gənclər və İdman İdarəsinin Beyləqan rayon üzrə Gənclər və İdman Sektorunun və Elm və Təhsil İşçiləri Həmkarlar İttifaqının Beyləqan rayon Komitəsinin birgə təşkilatçılığı ilə 26 iyun - Silahlı Qüvvələr Gününə həsr olunmuş "Ordumuz dövlətimizin dayaq sütunudur" adlı tədbir keçirilib.
Tədbirdə Vətən müharibəsi iştirakçıları, “N” saylı hərbi hissənin əsgər və zabitləri, təşkilatçı qurumların əməkdaşları, gənc idmançılar və rayon ictimaiyyətinin nümayəndələri iştirak ediblər.
Əvvəlcə Ümummilli Lider Heydər Əliyevin abidəsinin ziyarət olunub. Sonra Heydər Əliyev Mərkəzində davam edən tədbirdə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və torpaqlarımızın azadlığı və ərazi bütövlüyü uğrunda canlarından keçmiş qəhrəman şəhidlərin əziz xatirəsi bir dəqiqəlik sükutla yad edilib.
Tədbirdə çıxış edən Mil-Muğan Regional Mədəniyyət İdarəsinin Beyləqan rayonu üzrə nümayəndəsi Məhəmməd Qələndərov, Mil-Muğan Regional Gənclər və İdman İdarəsinin Beyləqan rayon üzrə Gənclər və İdman Sektorunun müdiri Sənan Quliyev, Elm və Təhsil İşçiləri Həmkarlar İttifaqının Beyləqan rayon Komitəsinin sədri Tahir Həsənov, “N” saylı hərbi hissənin komandiri Ülvü Məmmədli və Beyləqan rayon Gənclər Evinin əməkdaşı Lalə Həmidova Silahlı Qüvvələr Gününün əhəmiyyətindən, Azərbaycan Ordusunun keçdiyi şərəfli inkişaf yolundan və ölkəmizdə ordu quruculuğu sahəsində əldə olunan nailiyyətlərdən bəhs ediblər.
Qeyd olunub ki, Ümummilli Lider Heydər Əliyevin əsasını qoyduğu müasir ordu quruculuğu siyasəti bu gün Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev tərəfindən uğurla davam etdirilir. Çıxışlarda Vətən müharibəsində qazanılmış tarixi Zəfərin Azərbaycan Ordusunun gücünü və peşəkarlığını bütün dünyaya nümayiş etdirdiyi vurğulanıb.
Sonda bir qrup hərbi qulluqçu ETİHİ-nin Beyləqan rayon Komitəsinin Diplom və hədiyyələri ilə mükafatlandırılıb və xatirə şəkilləri çəkdirilib.