01.06.2026
İyunun 1-də Mil-Muğan Regional Mədəniyyət İdarəsinin xidməti əhatəsinə daxil olan Sabirabad, Saatlı, İmişli və Beyləqan rayonlarında fəaliyyət göstərən mədəniyyət müəssisələrində 1 İyun - Uşaqların Beynəlxalq Müdafiəsi Günü münasibətilə silsilə tədbirlər təşkil olunub.
Rayon İcra Hakimiyyətlərinin birgə təşkilatçılığı ilə keçirilən tədbirlərdə uşaq musiqi, incəsənət məktəblərinin, eləcə də ümumtəhsil məktəblərinin və uşaq baxçalarının uşaq kollektivlərinin hazırladıqları bir-birindən maraqlı, rəngarəng musiqi və rəqs nömrələri nümayiş olunub.
Tədbirlərdə çərçivəsində həmçinin, uşaqların əl işlərindən ibarət rəsm sərgləri təşkil olunub, tamaşalar nümayiş etdirilib
Tədbirlərdə çıxış edənlər Uşaqların Beynəlxalq Müdafiəsi Günü münasibətilə uşaqları təbrik edib, onların gələcək həyatlarında uğurlar arzulayıb.